影片
更多
2024-09-29
1424 浏览
自制long weekend，谂住同两个吃货去食餐好嘅。见到呢间餐厅KKday有优惠，大家都冇试过，就谂住去会一会佢啦。酒店地点唔就脚， book枱嘅时候已经知道，呢个唔系问题。我哋三件吃货未到六点到达餐厅，因为自助餐未开始，我哋就谂住行过圈睇吓有咩食啦。一望，心谂大镬，正所谓一眼睇晒，都唔使话行过圈望吓有啲咩，自助餐嘅位置好细，目测食物种类非常少。。。因为KK day预订，见到咁嘅情况都冇得缩沙，唯有就试吓佢啦，正面嘅我哋有谂过佢会唔会只系地方浅窄，但食物种类会不停更换，或者食物种类少，味道好好味呢(自我安慰中)。我吃货小熊习惯先食热盘，俾个胃Warm up吓，可以食得多啲嘢。第一样嘢攞嘅系串烧，咦。。。心谂，唔系啩，牛丸，芝士肠，烧㶶青椒。。。are you serious?隔离有一盘天㷌罗，望真啲，炸莲藕，炸四季豆，几只炸急冻蟹钳。。。我唔系寄望有天㷌罗虾，乜番薯同南瓜好贵咩？热盘方面非常容易介绍，因为得几样。炒西兰花(无肉)，所谓嘅蟹肉炒饭(师傅唔记得落盐)，红酒烩牛肉 (牛肉又干又冇味)，蒸鱼(劲腥)。正常少少嘅有豉椒蛏子王( 但考牙力)，胡椒炒蟹有胡椒味(好难得旧旧蟹肉都系
酒店地点唔就脚， book枱嘅时候已经知道，呢个唔系问题。
我哋三件吃货未到六点到达餐厅，因为自助餐未开始，我哋就谂住行过圈睇吓有咩食啦。一望，心谂大镬，正所谓一眼睇晒，都唔使话行过圈望吓有啲咩，自助餐嘅位置好细，目测食物种类非常少。。。
因为KK day预订，见到咁嘅情况都冇得缩沙，唯有就试吓佢啦，正面嘅我哋有谂过佢会唔会只系地方浅窄，但食物种类会不停更换，或者食物种类少，味道好好味呢(自我安慰中)。
我吃货小熊习惯先食热盘，俾个胃Warm up吓，可以食得多啲嘢。
第一样嘢攞嘅系串烧，咦。。。心谂，唔系啩，牛丸，芝士肠，烧㶶青椒。。。are you serious?
隔离有一盘天㷌罗，望真啲，炸莲藕，炸四季豆，几只炸急冻蟹钳。。。我唔系寄望有天㷌罗虾，乜番薯同南瓜好贵咩？
热盘方面非常容易介绍，因为得几样。炒西兰花(无肉)，所谓嘅蟹肉炒饭(师傅唔记得落盐)，红酒烩牛肉 (牛肉又干又冇味)，蒸鱼(劲腥)。正常少少嘅有豉椒蛏子王( 但考牙力)，胡椒炒蟹有胡椒味(好难得旧旧蟹肉都系霉嘅)。
见到隔篱枱食羊架，啲羊架好似风干冇煮过咁，又红又干。旧烧牛肉系well done,自问冇乜牙力去挑战佢。
海鲜有生蚝，虾，海螺，长脚蟹，青口。。。我本身食生蚝，但食过其他海鲜都系霉嘅，所以唔敢试生蚝。长脚蟹啲脚非常纤幼，剪开嘅时间非常考功夫，不过因为冇乜其他选择，佢啲肉尚算可以接受，所以食得最多系佢。
突然见到有人排队，唔执输又睇吓有乜，原来有半只焗龙虾。怀着兴奋嘅心食第一啖，又实，又腥，肉都系霉嘅。
佢最大嘅卖点系每人有只大闸蟹，会有专人去每张枱根据人头派俾你。点知啲蟹膏系苦嘅，舔吓都搞唔掂，完全食唔落。
刺身有四款，半件寿司都冇，刺身职员八点几已经收档。啲刺身出晒水，成滩水喺个碟度浸住啲鱼生，所以都冇食。
最𠝹櫈嘅位系甜品，有交行货嘅忌廉蛋卷，自称和菓子，完全唔想掂佢嘅芒果布甸， 好Hea嘅桂花糕。最过分系窝夫要自己整，
一碗碗蛋浆放晒喺度冇嘢冚住，佢𠮶个仲系门口位置，有部机喺度俾你自己整，实在太特别。
咁大个人第一次自助餐会食嘉顿餐包，加蘑菇汤，唔食真系饿住返屋企。
有一样唔嘢唔错，就系虫草花鸡汤，非常油，不过至少有味。
呢个自助餐，系唯一一次食完完全冇罪恶感，因为一啲都唔饱，不停问自己食过啲咩。
$470
33 浏览
0 赞好
0 留言
张贴
