Cova Pasticceria & Confetteria (太古城中心)

营业中

休息中

老友记同我讲，话COVA饮咖啡食CAKE其实唔算好贵，又多位，咁我就喺一个平日傍晚黎左试，兼且温书，发现又真系几好坐。咖啡价钱同附近连锁的差唔多，仲可以半价加件蛋糕。我大乡里出城，未食过COVA蛋糕，店员话招牌系芒果，但就卖晒，之后佢推介下我拣左开心果味，加埋$87。味道就冇乜特别。另外用电子优惠券比钱系用唔到呢个半价加蛋糕优惠。虽然呢度食野系自助，但系四周有野围住，就唔会话见到有路人经过就入黎坐低玩下电话，可以好专心温书。我最欣赏系张櫈，坐同挨都好舒服！过左几日我又黎多次，今次只系饮Mocha，$50坐两个钟，可以专心睇书加写阅读心得，觉得比少少钱都好值得。