Holly Brown (已結業)

寻日放宽咗堂食,今日即刻一行三人去食happy Friday lunch,去咗呢间我几年未去嘅雪糕店。我哋一共嗌咗三个set lunch, 乳猪髀仔,鱼柳意粉,同海鲜risotto。先上set嘅餐汤或沙律,跟住就上个main dish。特别推介嘅系只乳猪髀仔,餐刀一切落去就crack crack声,脆卜卜嘅外皮! 哗! 然后咬一啖,啲肉嫩到呢……「齿颊留香」就系呢种感觉🤩。我喺香港未食过咁出色嘅西式烧乳猪;十几年前喺澳门黑沙环果间西餐厅就食过一次一样咁好食嘅西式烧乳猪,同样咁出色嘅猪,难忘到而家都要赞,就知道几好味。仲要补充一下点解咁只乳猪脾仔咁好味,就系全靠有个pineapple source,点缀咗只🐷,令成个味道提升。呢一点好重要,画龙就系要点睛,冇左菠萝酱就得99分。(其他两个main就一般)跟住落嚟到甜品, gelato or cake, 咁梗系食雪糕啦！我拣左卖飞佛blue vanalia😋,就好似我食M&M 咁,一定要拣蓝色,嘻嘻,我嘅情意结。最后,店员见我系咁同Jeremy影相,就送左几张由应援提供嘅Jeremy post card俾我,为今餐画上完美句号。