影片
更多
2014-10-22
1598 浏览
讲坚，真系人仔果时已经听佢个名，行开呢头，紧要帮衬吓！潮州店紧要试试卤水，要鹅肠？冇！要鹅件？冇！鹅片有嘞呱？有！仲好入味𠻹！唔系死咸，有温和香料味（如桂片、草果），辅以超入味软滑卤豆腐，大满足！食九肚鱼或蚝烙，有点怕其腥臊。简简单单嘅萝卜烙就最啱心水！热烘烘、脆咯咯，加白萝卜的自来甜。吃得痛快，诚意推介。贤内助话想食咸鱼，见有煎的，就整份试试！望落修系炸唔系煎嘅，算！都叫咸香。唤侍者多送我白糖一小碟，又咸又甜咁，越食越想食！白糖送达时，侍者半推荐半请求，话鹅掌汤鲍食得过。不胜其烦外加唔好意思推却下，就范了！一份试试味；唔差，但好难叫好！原材料问题，试问你想罐头鲍有几好食呢？况且收你百四蚊而已，将就将就！浓味肉食放最后，沙嗲酱行货得很，牛肉也如发泡胶，不赘；芥兰以姜水灼后少油快炒，苦涩尽除，可口！下回姜汁油盐快炒可也！再来炒桂花蚌埋尾，好听就叫「黑松露酱下得恰到好处，不夺猪爽肉、桂花蚌原味。」究其实，唔落好过落，落咗卖贵几十而已。炒镬炒功扎实，底味十足；嫌摆盘太玩嘢，竟以草莓味百力支作架；令我怀疑厨房是边啖零嘴边作菜不。批曰：卤水胆有味，味部、厨部功底扎实。茶市点心新鲜热辣烫口。惜地理
潮州店紧要试试卤水，要鹅肠？冇！要鹅件？冇！鹅片有嘞呱？有！仲好入味𠻹！唔系死咸，有温和香料味（如桂片、草果），辅以超入味软滑卤豆腐，大满足！
食九肚鱼或蚝烙，有点怕其腥臊。简简单单嘅萝卜烙就最啱心水！热烘烘、脆咯咯，加白萝卜的自来甜。吃得痛快，诚意推介。
贤内助话想食咸鱼，见有煎的，就整份试试！望落修系炸唔系煎嘅，算！都叫咸香。唤侍者多送我白糖一小碟，又咸又甜咁，越食越想食！
白糖送达时，侍者半推荐半请求，话鹅掌汤鲍食得过。不胜其烦外加唔好意思推却下，就范了！一份试试味；唔差，但好难叫好！原材料问题，试问你想罐头鲍有几好食呢？况且收你百四蚊而已，将就将就！
浓味肉食放最后，沙嗲酱行货得很，牛肉也如发泡胶，不赘；芥兰以姜水灼后少油快炒，苦涩尽除，可口！下回姜汁油盐快炒可也！
再来炒桂花蚌埋尾，好听就叫「黑松露酱下得恰到好处，不夺猪爽肉、桂花蚌原味。」究其实，唔落好过落，落咗卖贵几十而已。炒镬炒功扎实，底味十足；嫌摆盘太玩嘢，竟以草莓味百力支作架；令我怀疑厨房是边啖零嘴边作菜不。
批曰：卤水胆有味，味部、厨部功底扎实。茶市点心新鲜热辣烫口。惜地理位置略欠，同区强手不少，致生意一般！努力加油，勿浪费了多年字号。
张贴
