御滿屋日本料理

营业中

休息中

约会经过数次改期后，终于可以同一月寿星S食饭。大家呢两个月都好多饭局，真系谂食咩都谂到头爆，同事话御满屋放题有冷热清酒+梅酒供应，有别于一般放题，咁就一于去呢度食啦。一入门口就会先见到沙律吧、朱古力喷泉、热小食，最特别系有热饮品柜、常温饮品等选择，照顾晒唔饮冻嘢嘅人，同埋想饮热嘢嘅人，值得一赞，好贴心第一印象已加分。仲有新鲜水果、各式甜品。睇到都心花怒放饮品柜内好多选择冰冻梅酒、清酒随便斟，当然饮几多、斟几多，唔好做大嘥鬼仲有热嘅清酒...虽然迟咗，话晒都系生日饭，梗系要饮返杯啦cheers!鱼生新鲜好味，带子食晒先记得影相...鲍汁烩花胶腍滑养颜啊羊架坚好味，够香又有肉汁，要再来多客才够喉精致海胆手卷，一口吃完，鲜甜各式寿司都有水准，左口鱼群边最突出食物普遍都唔错，特别系西京比目鱼、牛舌、菠萝、羊架.......食到食唔落水果，但系雪糕一定唔可以错过，点都要食价钱大众化，又咁多选择，好满足又惬意嘅一餐。