影片
更多
2010-10-06
503 浏览
好耐冇去食过 , 近排又再去试 , 去衬都叫【咸蛋时菜肉片汤 + 豉汁蒸白仓鱼 + 蒜茸白菜仔 + 盐焗鸡半只】。呢次我去街市买左四只花蟹 , 拎去叫阿姐帮我清蒸 , 都预左要收我费用 , 但最后都冇收我费用 , 又送埋陈醋一碗 , 真系好。蟹够新鲜生猛清蒸已经好鲜甜 , 加埋陈醋酸酸甜甜好正好鲜。 【咸蛋时菜肉片汤】 , 滚汤要求唔高 , 但唔多觉味精亦鲜味 , 够大碗公三人都够饮 , 大热天时饮下菜汤加咸蛋降火一流。 【 豉汁蒸白仓鱼】, 呢味我觉得最正 , 白仓鱼细细条好新鲜 , 豉汁蒸时间o岩o岩好 , 送饭好开胃 , 呢味我次次都食 , 其实我一个人食哂一碟两条都得 , 哈! 【 蒜茸白菜仔】, 油唔多蒜茸够味炒得够香 , 白菜仔够鲜嫩 , 绝对 ok 。 【 盐焗鸡半只】, 其实鸡我觉得 ok 啦 , 比起我二年前o黎食已经好左 , 果时食过鸡皮好厚又太肥 , 肉质浸过笼有少少嚡 , 但今次皮可接受 , 肉都 ok 唔错 , 但o系我心目中 , 好食o既盐焗鸡仲争几远下 , 鸡系用盐水浸熟o既鸡 , 我相信香港都冇真系用炒热o既盐 , 拎o黎焗熟o既俾你食 , ok 。现
呢次我去街市买左四只花蟹 , 拎去叫阿姐帮我清蒸 , 都预左要收我费用 , 但最后都冇收我费用 , 又送埋陈醋一碗 , 真系好。蟹够新鲜生猛清蒸已经好鲜甜 , 加埋陈醋酸酸甜甜好正好鲜。
【咸蛋时菜肉片汤】 , 滚汤要求唔高 , 但唔多觉味精亦鲜味 , 够大碗公三人都够饮 , 大热天时饮下菜汤加咸蛋降火一流。
【 豉汁蒸白仓鱼】, 呢味我觉得最正 , 白仓鱼细细条好新鲜 , 豉汁蒸时间o岩o岩好 , 送饭好开胃 , 呢味我次次都食 , 其实我一个人食哂一碟两条都得 , 哈!
【 蒜茸白菜仔】, 油唔多蒜茸够味炒得够香 , 白菜仔够鲜嫩 , 绝对 ok 。
【 盐焗鸡半只】, 其实鸡我觉得 ok 啦 , 比起我二年前o黎食已经好左 , 果时食过鸡皮好厚又太肥 , 肉质浸过笼有少少嚡 , 但今次皮可接受 , 肉都 ok 唔错 , 但o系我心目中 , 好食o既盐焗鸡仲争几远下 , 鸡系用盐水浸熟o既鸡 , 我相信香港都冇真系用炒热o既盐 , 拎o黎焗熟o既俾你食 , ok 。
现场阿姐服务殷勤 , 成日帮我地义务去士多买汽水啤酒 , 价钱都好平冇乜点赚 , 汽水啤酒系用水柜整冻 , 所以支支都够冰冻好好饮。
一般食以上咁多样菜 , 都系二佰五十蚊左右 , 个人觉得都好抵食 , 呢期时时帮衬 , 尤其天气凉左唔一定要坐冷气位 , 更加会多少少去帮衬。
事头婆其实都识左十几年 , 佢地做街坊生意确系识做人 , 唔串又有礼貌。出面条街泊车都几方便 , 睇到车又好少抄牌 , 几方便。
张贴