營豐海南雞專門店 (麼地道)

营业中

休息中

成日经过K11对面既营丰海南鸡都想试下，今日星期六返office做嘢，顺便就买个外卖试下。我叫咗两样野食，「海南鸡饭配油饭」一定会叫啦，话晒都以海南鸡命名，另外佢其实都仲有好多小食可以独立叫，有鸡翼、泰式凤爪、猪颈肉、香矛猪扒等等...本身我个人就好钟意食鸡，就加多一个黑椒鸡扒试下。海南鸡饭配油饭会送多个冬瓜汤，个汤正正常常无咩特别，油饭就都几好食，泰式油饭既味道，唔算好油同唔算重口味，我觉得ok！酱汁就得一个酸汁，个汁又唔系泰式又唔系越式。如果钟意点酱都可以试既，但就唔独岩我口味，终于讲到个鸡喇，我觉得味道可以，不过肉质我觉得唔够嫩，但又唔算老。都合格既（因为我太爱食海南鸡，比起其他真系好嫩滑既海南鸡，确实差一班。不过有时惊喜在后头，我加既小食黑椒鸡扒反而味道唔错，惹味烧汁带黑椒既香，但无黑椒既辣。最神奇既系佢既肉质系嫩滑过个海南鸡，呢个我自己就唔明既，但无所谓啦好食就ok。因为我发现佢都有黑椒鸡扒饭配油饭既，我下次识嗌喇，另外购买任何饭+$8有油菜。一定唔好错过，因为食饭一定要食菜，咁样先够均衡饮食！