影片
更多
2024-10-07
1884 浏览
比大陆App带旺晒，好食过呢间嘅点心，大把。听过以前喺大学食堂，因为凌晨就开舖，所以有好多学生会嚟食点心。今日嚟到排队排咗大半个钟，满心欢喜入去食点，点知1.枱面劲污糟环境好恶劣好迫2.仲未同姐姐讲饮咩茶，佢已经拎咗一壶唔知咩茶出嚟，我话我要饮普洱，唔通我咩都未讲你就知道我想饮咩？3.我想点流心包，姐姐话无晒，你写点心纸都无用，转个头有架车推出黎话有流心包。4.态度劲差，同姐姐讲完我想要咩，粒声唔出转个头走咗去扮冇听到做其他野。5.食物质素差，虾饺皮黐住个蒸笼，仲要劲厚。烧卖又细件，又冇猪肉味，个蒸笼又旧有污糟。6.坐我对面位妹妹等咗个凤爪大半个钟，问啲姐姐有未，完全一副唔想你嘅心态听完就算。俾钱受气，系咪赚游客钱赚到傻咗？咁样嘅态度同质素我真系唔会比第二次机会。如果你一开头叫我唔使写纸仔，睇吓一阵间出炉会唔会有我想食嘅点心推出黎啊，我都冇咁嬲。你直接同我讲叫我唔使嘥气，我有无欠左你？
听过以前喺大学食堂，因为凌晨就开舖，所以有好多学生会嚟食点心。
今日嚟到排队排咗大半个钟，满心欢喜入去食点，点知
1.枱面劲污糟环境好恶劣好迫
2.仲未同姐姐讲饮咩茶，佢已经拎咗一壶唔知咩茶出嚟，我话我要饮普洱，唔通我咩都未讲你就知道我想饮咩？
3.我想点流心包，姐姐话无晒，你写点心纸都无用，转个头有架车推出黎话有流心包。
4.态度劲差，同姐姐讲完我想要咩，粒声唔出转个头走咗去扮冇听到做其他野。
5.食物质素差，虾饺皮黐住个蒸笼，仲要劲厚。烧卖又细件，又冇猪肉味，个蒸笼又旧有污糟。
6.坐我对面位妹妹等咗个凤爪大半个钟，问啲姐姐有未，完全一副唔想你嘅心态听完就算。
俾钱受气，系咪赚游客钱赚到傻咗？咁样嘅态度同质素我真系唔会比第二次机会。
如果你一开头叫我唔使写纸仔，睇吓一阵间出炉会唔会有我想食嘅点心推出黎啊，我都冇咁嬲。你直接同我讲叫我唔使嘥气，我有无欠左你？
188 浏览
0 赞好
0 留言
张贴
