影片
更多
2018-01-13
1484 浏览
今日收工同女朋友旺角行街街，行行下就揾野食啦，揾揾下openrice见到e间餐厅就长期都系一个好高嘅位置，人气好高，价钱又大众化，咁就当然要试下啦，因为我地都系好钟意试野嘅人黎呀！餐厅唔难揾呀！女人街街号一边系单数，一边系双数，系近油麻地果边入就好容易揾到啦！见到佢个门口都好靓，好多介绍，而就咁望落去都有好多菜式，唔考虑啦，两位唔该!!!!!入到去之后餐厅座无虚席，但系好彩上天可怜肚饿嘅我们，刚刚有张枱走啦，见到餐厅嘅环境系非常靓，墙上油画系非常有心思呀！有麦唛，香港维多利亚海境，同埋我见到李小龙呀！咁等我地望下个餐牌先，餐牌都好多元化，有散叫嘅一人套餐，价钱都非常合理，亦有一些二人套餐，有龙虾餐及以扒为主菜嘅二人餐，咁我同我女友就选择左e个以扒为主嘅二人套餐，分别选择左西班牙黑毛猪，街坊碗仔翅，香草鸡肉河粉及甜品选择了绿茶吉士鸡蛋仔伴雪糕。好，开饭啦！首先黎嘅系吞拿鱼蟹籽沙律，沙律菜都有好多款，有罗文生菜，红毛菜，九牙，蕃茄仔，全部都好新鲜鲜甜，因为如果菜老左系会变和同埋系会开始变林唔爽口呀！捞埋d蟹籽，吞拿鱼同埋沙律酱就更加开胃同埋更加易入口，吞拿鱼同沙律酱会覆盖左菜嘅草青味，e道
餐厅唔难揾呀！女人街街号一边系单数，一边系双数，系近油麻地果边入就好容易揾到啦！见到佢个门口都好靓，好多介绍，而就咁望落去都有好多菜式，唔考虑啦，两位唔该!!!!!
入到去之后餐厅座无虚席，但系好彩上天可怜肚饿嘅我们，刚刚有张枱走啦，见到餐厅嘅环境系非常靓，墙上油画系非常有心思呀！有麦唛，香港维多利亚海境，同埋我见到李小龙呀！咁等我地望下个餐牌先，餐牌都好多元化，有散叫嘅一人套餐，价钱都非常合理，亦有一些二人套餐，有龙虾餐及以扒为主菜嘅二人餐，咁我同我女友就选择左e个以扒为主嘅二人套餐，分别选择左西班牙黑毛猪，街坊碗仔翅，香草鸡肉河粉及甜品选择了绿茶吉士鸡蛋仔伴雪糕。
好，开饭啦！
吞拿鱼蟹籽沙律
37 浏览
0 赞好
0 留言
首先黎嘅系吞拿鱼蟹籽沙律，沙律菜都有好多款，有罗文生菜，红毛菜，九牙，蕃茄仔，全部都好新鲜鲜甜，因为如果菜老左系会变和同埋系会开始变林唔爽口呀！捞埋d蟹籽，吞拿鱼同埋沙律酱就更加开胃同埋更加易入口，吞拿鱼同沙律酱会覆盖左菜嘅草青味，e道菜就系胜在新鲜。
街坊素鲍参碗仔翅锅
28 浏览
0 赞好
0 留言
跟住就系到街坊素鲍参碗仔翅锅，碗仔翅基本系有冬菇丝，木耳丝，蛋丝，咁e间餐厅就加上左素海参同素鲍鱼，唔单止外观系赢晒，佢重可以俾人可以影到好多相呀！咁我就忍唔住即刻试返啖啦，碗仔翅就真系好街坊味道，而且好足料，啖啖都有冬菇同木耳丝，而味道就系根本就系细细个街边食果d碗仔翅嘅味道，咁素鲍鱼同海参都系素食，味道就唔系太浓，但系都好有口感，但系肯定嘅一样野系绝对有卓头今时今日餐饮业就系好需要e d有创意，有卓头嘅餐厅。最后都系食晒。
铁板烧西班牙黑毛猪
50 浏览
0 赞好
0 留言
跟住就到西班牙黑毛猪啦，黑毛猪，给人感觉矜贵，比普通猪肉好食。其实黑毛猪也有分不同产地，最出名一定有西班牙的黑毛猪，吃橡果长大的黑毛猪于丛林间放养，所用的饲料亦有精心调配过，猪肉亦带有浓郁的橡果香气，一般有分成全橡果喂饲、半橡果喂饲及全饲料喂饲，今次餐厅重以烧红左嘅铁板上，配以香浓嘅黑椒汁，非常香口，肉质带橡果甘香! 口感嫩滑! 滋味持久! 令人一试难忘!肉质就真系唔同出面茶餐厅嘅猪扒，出面猪扒都会以梳打腌制，务求令肉质松口，而今次e块黑毛猪我都相信唔需要用梳打腌，都一样好嫩滑，而配菜包括薯条，茄子，豆角及蕃茄都非常新鲜，即叫即整，真系令人回味。
肉汁都流晒出黎，正!
香草鸡肉河粉
19 浏览
1 赞好
0 留言
跟住就到香草鸡肉河粉，e道都系一道几经典嘅西餐菜式，但系问题出现啦，点解唔系意粉呢!?原来餐厅就fusion左，将港式河粉融入左去西式烩粉，咁就试下啦，河粉本身系俾好林，无口感嘅感觉，但系今次就非常出色，食落去都好滑，再配合埋个香草酱原来可以咁特别，河粉用左西式烩粉煮法煮之后就入晒味，d汁收晒入去每条粉，图中所见每条粉都系上晒色呀！食落去就同西餐厅食果d味道一样，师傅好野!
饮品
20 浏览
0 赞好
0 留言
好，跟住到饮品啦，系e个咁丰富嘅menu叫我选择两款饮品其实就真系非常困难呀!讲真，我每样都想试，咁跟住我就望住我女友讲当我想起你同女神，当堂自己红都面晒，多谢餐厅俾个咁嘅机会我e d宅男，最后就叫左B32同埋B34啦！两杯野饮黎到嘅时候都非常吸睛，呢两杯最主要嘅成分系金桔同埋蓝橘，味道都非常之夹，而味道都刚刚好，唔会太甜或者太淡，同埋都真系好足料，个面真系有柠檬同埋蓝莓，可见餐厅真系好用心，甜甜地酸酸地嘅味道非常好呀！
绿茶吉士鸡蛋仔伴雪糕
26 浏览
1 赞好
0 留言
波波雪糕
22 浏览
0 赞好
0 留言
最后啦！上甜品啦，甜品系绿茶吉士鸡蛋仔伴雪糕，大家都知道，鸡蛋仔系香港嘅名产，型出国际，继碗仔翅之后又系一个港式经典街头美食，今次餐厅就对个鸡蛋仔稍作改良，加入绿茶味及吉士，鸡蛋仔非常香脆，好足绿茶味，而里面嘅吉士都唔会太甜，绿茶味嘅波波雪糕都好足味，e个甜品绝对能够为e餐咁丰富嘅晚餐画上一个完美句号。下次我一定会再黎，试下佢个龙虾餐，唔怪得之间餐厅系openrice会有咁高评价，希望厨师们继续努力，念多d新野，期待见到佢个卡邦尼公仔面同埋港式All day，重有个关东煮FEEL嘅香港煮，哈哈!
张贴
