金田家 (已結業)

帶完隻小魔怪去放電後，番左元朗食個拉麵補充體力。我叫左黑豚拉麵，上枱見到d豚肉嘅時候，我已經暗叫不妙，點解好似咁乾身嘅。食落真係嚡口，好柴同好乾。我唔知係咪本身係咁定我唔好彩，湯底係九洲拉麵嘅濃豬骨湯，口感比較厚身，唔會太咸，幾好。老婆要左豚骨mix拉麵，叉燒都係麻麻地，燒得唔夠香。男爵薯餅係一塊牛肉薯餅加一塊紫薯薯餅，應該係叫貨番黎，炸得都香脆。不過都係無咩特別，只不過老婆鐘意食薯餅。聲稱係福岡評分No.1拉麵店，完全比唔到咁嘅感覺我，特別係叉燒。唔會再黎食。