熊築地 (已結業)

去完工展会，由于只系食左鱼蛋牛柳粒，唔上唔落，正经食一餐又唔系，唔食野又肚饿~行过熊筑地，记得呢间都有人介绍过，加上铜锣湾区手卷店唔多，决定一试。呢度嘅手卷以咁嘅位置，定价都唔贵，最平嘅三文鱼13蚊，海胆就48蚊~在场都有唔少客人等紧，睇落都几有信心。点知出哂事！三文鱼腩带子手卷 $28唔知是咪我呢排黑仔？食亲乜都出事？见到店员递过黎果下，我直头唔想申手接…同图片严重不符！三文鱼腩同带子得一片睇番其他客人嘅手卷，又冇寒酸得咁交关！点解我又中伏…话就话系三文鱼腩，但完全唔肥美…同一般三文鱼无异，普通货色。带子算尚新鲜，不过只有上面有料…以$28食左一条咁嘅手卷，性价比低，我只能讲我系中伏了。