嚐越 (已結業)

平时行开德福都会去茜廊食野，但今次因为想同老公仔庆祝考到车牌，所以试下食其他餐厅，行行下去左呢间!一入去觉得装修好骨子，d吊扇好有越式风情，以为d食物会几贵下啦，点知都唔系太贵㖞。我地食左以下食物:1. 柚子大虾沙律: 味道酸酸甜甜好好食呀! 食完觉得好醒胃!2. 蒸粉包 : ok啦，不过不失，d伴碟蒜头好香口。3. 蒜蓉焗青口: 卖相同menu张相差好远，但都几好味!4. 青加里牛柳粒焗饭﹕d汁整得好好味，但d牛柳太少了，份量都很少~5. 鸡丝水晶汤粉﹕呢个系因为食完上面个饭，唔够饱所以后加的。好好味呀! d鸡丝好滑，d水晶粉口感好得意，老公仔食完超赞!6. 蕉叶xx米卷: 唔记得个全名，系甜品来的，系用蕉叶包住d椰汁黑「米需」米，都几好味!全晚我同老公仔都食得好开心，可能因为开心所以觉得d食物全部都好好食! 我老公好少咁样赞一间餐厅，佢仲话要多d黎食tim~我地用恒生card埋单有9折~