影片
更多
2010-07-04
5 浏览
原本同老公返紧娘家食饭，因为好想食火㶽，所以两人决定"私奔"，但系已到油塘要中途转軚去食火㶽又谈何容易呢...人急智生醒起将军澳有间sabusabu，一试无妨啦~ 全店都系行套餐制，自助形式(牛肉及豚﹝猪﹞肉除外)，不设散叫火㶽料，今晚我哋拣咗中上价$238的和牛套餐另加咗$10任饮(得三种选择︰日本啤、百x可乐、雪x)，另外必试可附加既涮牛冷食套餐，因为1st round系免费试食架~(最重要系真系叫 1 round 就已经可以。)我哋落完order，我就去buffe bar揾酱料，都算多& 特别，有普通日式酱、葵花酱油(即系wasabi酱油)、柚子醋酱油、芝麻酱(涮牛唔少得！)。执好D酱料返到位无几耐个㶽底就到(牛清汤+韩式辣泡菜)，和牛&豚肉跟住都到埋，仲等乜吖~起锚啦！ 和牛果然OK㖞，好够新鲜，一D都唔"鞋"口，仲几有牛脂味添~赞！ 有D意外既系豚肉都非常正！真系上等级数，我唔叫呢D系猪肉，一定要尊称番为豚肉啰~ 牛清汤望落虽然清，但味道又无话淡"茂茂"，ok。但我钟意食辣泡菜汤底多D，因为惹味D。 酱料方面，各种都好OK㖞，因为真系各有各既味道，一路食都无咁dry吖嘛~ 冷
全店都系行套餐制，自助形式(牛肉及豚﹝猪﹞肉除外)，不设散叫火㶽料，今晚我哋拣咗中上价$238的和牛套餐另加咗$10任饮(得三种选择︰日本啤、百x可乐、雪x)，另外必试可附加既涮牛冷食套餐，因为1st round系免费试食架~(最重要系真系叫 1 round 就已经可以。)
我哋落完order，我就去buffe bar揾酱料，都算多& 特别，有普通日式酱、葵花酱油(即系wasabi酱油)、柚子醋酱油、芝麻酱(涮牛唔少得！)。执好D酱料返到位无几耐个㶽底就到(牛清汤+韩式辣泡菜)，和牛&豚肉跟住都到埋，仲等乜吖~起锚啦！
和牛果然OK㖞，好够新鲜，一D都唔"鞋"口，仲几有牛脂味添~赞！
有D意外既系豚肉都非常正！真系上等级数，我唔叫呢D系猪肉，一定要尊称番为豚肉啰~
牛清汤望落虽然清，但味道又无话淡"茂茂"，ok。但我钟意食辣泡菜汤底多D，因为惹味D。
酱料方面，各种都好OK㖞，因为真系各有各既味道，一路食都无咁dry吖嘛~
冷食涮和牛，都特别，主要系唔洗钱，所以must try la~
其他配料，有机蔬菜 - 都有好几款&新鲜，日本豆腐 - 白滑有豆味，无乜丸頪 - 只得两款日式炸鱼蛋，有芝士肠，鲜冬菇&金菇，芋C、日本豆卜、韩式年糕
竟然有两款饭供应，白饭 & 五目饭(即系有味饭)
有雪糕做甜品，四款味︰呍呢嗱、芝麻、茉茶、豆腐
个人嚟讲都满意，因为好多时"平"就唔会"靓正"，"靓正"就一定唔会"平"，呢餐未算贵到离谱但都叫"靓正"，加上唔会出埋D阴招(货不对辨、扮漏单、久等都上唔到和牛豚肉之頪....)，牛迷一定能感满足，因为真系你食得落食得切就多多都上俾你！
可以再去(建议晚饭时段好D，lunch得60mins.真系太赶)，同埋以我观察，就算叫最平果款set，虽不是和牛，但质素亦算OK。
不足之处︰时间有限，想他他条条聚餐或食得慢都不宜考虑。肉类太少，牛、豚、芝士肠、鱼蛋 that's all，唔食牛既不宜考虑。
附注︰佢仲有烧牛豚肉set，不过今次未试。
张贴