榕基滷水專門店 1992

营业中

休息中

入黎大埔真系好多嘢想买，好多时尾站都一定系黎榕基买卤水斩料返屋企加𩠌，我哋全屋人都好钟意食佢嘅卤水，一来佢啲卤水好入味但系味道又唔会太浓，二来就系次次食完佢啲卤水，都唔会发喝。于是今次临走嘅时候又去榕基买卤水，每次去买嘅目标都好清晰，都唔使点样喺门口睇餐牌就可以直接入去点外卖，今次买咗卤水鹅片例牌，几只鹅颈，四两墨鱼同四两鹅肠。我好欣赏佢啲墨鱼同鹅肠系可以段两咁样买(二两起)，咁令到我可以每样买少少买多几款唔同的卤水。返到屋企一打开已经系问到好香嘅卤水味，每次拎外卖嘅时候店员都好细心会同我讲解，返到屋企未食住可以将啲鹅片放入雪柜，临食前一小时拎返出嚟室温等佢自动解冻就可以，再将卤水汁加热直接淋面就可以食用，咁样鹅片嘅肉质依然可以保持得好好。