河畔強記雞粥海鮮酒家 (已結業)

今午谂今晚去边同女友食饭,呢个网页睇完,知道呢间抵食,所以决定今晚同女友到。今晚九点去将军澳接女友收工,经大老山隧道去到沙田,到沙田新城市广场泊低车,因女友话好耐未行过呢头,所以我特登陪佢行一个钟。至九点半多车,我因对沙田并唔熟悉,所以沿途向的士司机大佬询问,几经波折我先揾到【河畔花园】,入面停车场全部泊满,我见沿路上好多违例泊车,我就鼓起勇气就咁泊街。同女友一齐进入【强记鸡粥】,点(一蚊窝鲍鱼鸡粥、$18元豉椒炒蚬、$18元杨洲炒饭、$18元沙姜鸡及正价蒜茸炒白菜仔)。大致上味道真系唔错,鲍鱼鸡粥内鲍鱼几正,粥底亦好鲜味唔多味精。豉椒炒蚬味道亦好,但太多沙及数量较少。杨洲炒饭除唔多够干身外,其实都甚好味。沙姜鸡好滑亦新鲜,又系抵食之作。蒜茸炒白菜仔有酒楼水准,大大碟果然系正价。我同女友两个人,竟然可以全部食哂,真系自己都估唔到。至十一点半多埋单离去,埋单连茶水、花生及加一等,总共要一佰三十几,虽然计计去都唔知点解,比心目中条数多好多,但食得滋味、招呼及服务态度唔错,我个人都觉得几值得,下次我会再车,载同亲朋戚友再帮衬。