影片
更多
2012-09-17
115 浏览
今日下午去完清水湾, 回程时原本想去西贡食海鲜, 但只得三个人, 食海鲜好似试唔到好多款式, 所以就向钻石山出发医肚。路经新蒲岗, 想起电视节目“饮食男女”介绍过呢间“得龙”, 讲到好好味咁, 就即时打电话问下有无位? 可否留枱半小时后到? 竟然真系有位㖞! 今日星期日㖞?! 去到钻石山Hollywood Plaza 转小巴19号, 点知7:30pm 就收咗车, 转30号又唔知边度落车, 最终都系打的廿几蚊去到门口!去到“得龙”即刻有枱比我, 我先叫三样𩠌, 如果好味再叫第二round 虾籽炆柚皮($80)--我会比个 "差" 佢, 上桌时微温唔够热, 一棵烚到黄晒嘅小棠菜开边+两块中等大小嘅柚皮, 芡汁上有虾籽但完全无虾籽香味, 而且柚皮有阵腥味, 又有类似生锈金属嘅味道, 要落胡椒粉劈腥 (我妈咪煮得好味过佢好多)! 因为唔够热嘅关系, 芡汁变水汪汪! 我觉得完全唔掂!!!炸大肠拼烧鳝 ($98)--ok 好味! 份量三个人食都 ok ! 大肠炸得够脆, 味道不过不失啦! 烧鳝味道几好, 鳝皮热嘅时候都系脆嘅, 上面有美极鲜露嘅味道, 不过冻咗d皮就变硬, 呢样应该唔关店方事,
路经新蒲岗, 想起电视节目“饮食男女”介绍过呢间“得龙”, 讲到好好味咁, 就即时打电话问下有无位? 可否留枱半小时后到? 竟然真系有位㖞! 今日星期日㖞?! 去到钻石山Hollywood Plaza 转小巴19号, 点知7:30pm 就收咗车, 转30号又唔知边度落车, 最终都系打的廿几蚊去到门口!
去到“得龙”即刻有枱比我, 我先叫三样𩠌, 如果好味再叫第二round
虾籽炆柚皮($80)--我会比个 "差" 佢, 上桌时微温唔够热, 一棵烚到黄晒嘅小棠菜开边+两块中等大小嘅柚皮, 芡汁上有虾籽但完全无虾籽香味, 而且柚皮有阵腥味, 又有类似生锈金属嘅味道, 要落胡椒粉劈腥 (我妈咪煮得好味过佢好多)! 因为唔够热嘅关系, 芡汁变水汪汪! 我觉得完全唔掂!!!
炸大肠拼烧鳝 ($98)--ok 好味! 份量三个人食都 ok ! 大肠炸得够脆, 味道不过不失啦! 烧鳝味道几好, 鳝皮热嘅时候都系脆嘅, 上面有美极鲜露嘅味道, 不过冻咗d皮就变硬, 呢样应该唔关店方事, 值得一赞嘅系烧鳝肥美而且完全无骨, 食得放心
龙凤配鲜虾龙趸球 ($138)--系是日厨师推介, 用煲仔上, 有三只甩头虾(个虾头甩甩地代表虾唔够新鲜), 虾肉霉霉地; 有六片鱼肉, 味道一般, 唔觉得鲜美; 配菜有胜瓜、芋丝及炸芋头, 汤底亦无乜鲜味, 整体味道属一般货色!
因为味道唔吸引, 所以唔叫第二round 喇! 亦无乜心机影相!
饭后送上甜品, 系三小碗红豆沙加三件桂花糕:-
红豆沙--个人觉得过甜, 完全无果皮味, 只得半小片百合, 唔合格!!!
桂花糕--呢个反而系成晚最正嘅, 虽然都系甜咗些少, 胜在桂花香味浓郁, 有杞籽、红枣同桂元, 材料十分充足嘅精美点心!
最诡异嘅系枱上一小碟前菜, 系大约5至6粒荞头, 完全无酸味, 食入口只觉好甜, 临吞之前竟然变苦味, 食一粒唔敢再食喇!
不收加一但茶每位$11元, 诡异荞头前菜$14元一小碟, 白饭每碗$10元; 最后埋单$383大元, 只觉唔平因为无食饱。
最后想讲嘅系佢哋嘅服务, 我一食完放低筷子就即刻有人埋嚟执枱, 问食物齐晒末? 又即时奉上甜品; 一食完甜品又即时收拾妥当, 又问食物齐晒末? 我已心感不妥, 话齐晒啦! 想饮多两啖茶先走, 点知第三次被问d野食齐晒末? 已经九点几, 我隔离张圆枱都无人坐啦, 门口又无人等位, 舖头又唔似要打烊㖞, 仲有好多食客响度, 唔通想我早d埋张单??? 定系纯粹招呼太殷勤所致?
张贴