Cutting Onions

营业中

休息中

I remember you.从前太子食过，从装潢、餐牌到餐点，每个细节都有心思；而家改咗名，去咗第二度，都系咁出众：【百里香柠檬茶（正山小种+单丛）】睇茶叶配搭就知有心思：我未试过咁嘅中、西配搭，但一旦摆脱「中茶须single origin」嘅框架，饮茶原来可以咁精彩。【招牌汉堡包】冇乜好挑剔嘅汉堡牛肉、半溶芝士、生菜，加上好有质感嘅包！肉汁并无影响口感，因为包体本身食得出高筋，好似实净嘅牛角包咁，每一下咀嚼都有汁渗入，越咬越好食～【南瓜汤】是日汤，系有孜然香嘅南瓜汤，质地适中，份量合宜。如果佢只系有圈cream就算嘅西汤，我未必会记得，但呢一抹孜然香我会记住好耐。【好姜蕃薯糖水雪糕】雪糕好够姜，放响torch过嘅甜薯上面，慢慢融嘅姜味雪糕就渗入微微火香嘅薯入面。熟悉的味道最可怕，upgrade 咗就好似执过嘅程大嫂咁，内外兼备，不得之了～【炸炸菇菇】炸衣本身调味出色，菇有返咁上下肉地，有口感但一啲唔难咬。食唔停口嘅同时，丰富嘅菇汁用健康素食嘅定位，抚平高涨嘅热气。大推！