影片
更多
2019-01-06
983 浏览
Applegreen曾经系同朋友饭聚既指定餐厅，尤其系一班姊妹饭聚，打正健康沙律旗号，最啱成日话要减肥嘅女仔。就算男女混合一大班人聚会都适合，男嘅可以点扒、薄饼、仲有好多香口嘢可以点。香港一直欠缺主打沙律做主菜既餐厅，Applegreen既自选沙律配料概念好得我心。虽然Mr. Steak都好似有，不过因为对我来讲唔系几就脚，所以好少去。最记得以前响Applegreen 点沙律会跟一片banana bread，暖暖地既香蕉蛋糕伴沙律真系正到爆。印象中全盛时期全港九新界都有分店，新世纪广场、铜锣湾千禧广场、加拿芬广场、九龙城广场同荃湾都有分店。我真系成日去。近几年Applegreen一直缩减规模，最后剩返尖沙咀呢一间，而我最爱嘅banana bread都欠奉。而最近一两年餐厅嘅经营模式已经变咗，沙律唔再响menu上面，而系变咗做任食沙律吧。百几蚊一位沙律吧， 点一个主菜就包一位沙律吧。一个最平嘅主菜价钱，其实同斋食沙律吧价钱差唔多，所以大部份人都会点份主菜免费食沙律吧。沙律吧嘅选择都唔错，沙律菜起码有成四五款，另外有餐汤，冻肉火腿，面包可以拣。不过对上几次去亲食完个肚都唔舒服，加上主菜味道
香港一直欠缺主打沙律做主菜既餐厅，Applegreen既自选沙律配料概念好得我心。虽然Mr. Steak都好似有，不过因为对我来讲唔系几就脚，所以好少去。最记得以前响Applegreen 点沙律会跟一片banana bread，暖暖地既香蕉蛋糕伴沙律真系正到爆。印象中全盛时期全港九新界都有分店，新世纪广场、铜锣湾千禧广场、加拿芬广场、九龙城广场同荃湾都有分店。我真系成日去。
近几年Applegreen一直缩减规模，最后剩返尖沙咀呢一间，而我最爱嘅banana bread都欠奉。而最近一两年餐厅嘅经营模式已经变咗，沙律唔再响menu上面，而系变咗做任食沙律吧。百几蚊一位沙律吧， 点一个主菜就包一位沙律吧。一个最平嘅主菜价钱，其实同斋食沙律吧价钱差唔多，所以大部份人都会点份主菜免费食沙律吧。沙律吧嘅选择都唔错，沙律菜起码有成四五款，另外有餐汤，冻肉火腿，面包可以拣。不过对上几次去亲食完个肚都唔舒服，加上主菜味道偏咸，所以停咗一排冇再帮衬。
因为圣诞同新年假期食多咗，今晚谂住清清地再去Applegreen帮衬吓个沙律吧。星期六晚八点几上到去，得两张枱有客，已经感觉有啲唔妥，生意真系差左好多。睇吓个餐牌，唔少主菜加咗价，而且每位客人有最低一个沙律吧价钱嘅消费。两个人点左两份牛扒，每份扒送一款配菜，拣咗薯条同埋海鲜饭，加埋五百几蚊，还可以。去攞沙律嘅时候，发觉以前有四五款嘅沙律菜，而家变咗得番两款，另外有一款粟米日本椰菜花一盘南瓜一盘菠萝，将以前几款沙律拆开来放，而我最钟意既紫薯粒粒就冇咗，感觉蔬菜嘅选择系少咗嘅。
主菜嘅牛扒铁锅上都唔错，够热。配菜拣咗松露薯条，松露味唔系太重，不过食到底啲薯条咸到食唔到，太多盐，扣晒分。另外一个海鲜饭配菜须然有好多蚬，不过啲饭好硬，好似雪左几日咁，都唔好得去边。今晚食完之后，又有一排唔会再帮衬。唔知依间餐厅仲会唔会有重振雄风嘅一日呢。
张贴
