影片
更多
2024-06-18
43 浏览
终于又到咗疯狂出海钓墨鱼嘅时间，🎣上个星期六晚约咗喺西贡上船，今次我竟然难得地冇迟到，仲早咗成个钟添😎有个都系早到咗嘅朋友就叫埋我一齐食个early dinner 🍽️原来大家对自己钓墨鱼嘅实力都好冇信心😂惊今晚冇嘢食要打定底我哋见到市场街果边有间cafe个装修都几OK，就入咗去试下。一入到去就见到间餐厅好有怀旧feel，摆咗好多旧玩具旧漫画响度做摆设。与其话系一间cafe，不如话佢系一间博物馆都唔算过份。题外话，呢度仲有好多近期好收得𠮶套港产片嘅宣传海报，我朋友笑住同我讲佢老婆最近都变咗「刘太」，估唔到嚟到西贡都见到「刘生」😂首先我哋嗌咗个前菜「法式焗田螺」，有咬口之余仲够弹牙，最紧要啲田螺够哂肥美，唔错👍又嗌咗一份「美国安格斯西冷」同埋「挪威三文鱼扒」🐟，厨师功力好够，两块扒都煎得好香，而且唔会煎到过晒火喉，变得好干身或者柴皮。尤其是三文鱼，食嘅时候更加系食到入面嘅嫩滑，非常好。我哋仲嗌咗个「碎蛋沙律三文鱼牛角酥」，佢呢度嘅牛角酥系可以自己拣配料嘅，例如可以拣烟鸡肉、烟三文鱼、烟鸭胸、烟猪手肉、芝士、碎蛋沙律、吞拿鱼、火腿或者蕃茄都可以任拣两款。呢个牛角酥份量好足够，同埋「碎蛋沙律+
上个星期六晚约咗喺西贡上船，
今次我竟然难得地冇迟到，
仲早咗成个钟添😎
有个都系早到咗嘅朋友就叫埋我一齐食个early dinner 🍽️
原来大家对自己钓墨鱼嘅实力都好冇信心😂惊今晚冇嘢食要打定底
我哋见到市场街果边有间cafe个装修都几OK，就入咗去试下。
一入到去就见到间餐厅好有怀旧feel，摆咗好多旧玩具旧漫画响度做摆设。与其话系一间cafe，不如话佢系一间博物馆都唔算过份。
题外话，呢度仲有好多近期好收得𠮶套港产片嘅宣传海报，我朋友笑住同我讲佢老婆最近都变咗「刘太」，估唔到嚟到西贡都见到「刘生」😂
首先我哋嗌咗个前菜「法式焗田螺」，有咬口之余仲够弹牙，最紧要啲田螺够哂肥美，唔错👍
又嗌咗一份「美国安格斯西冷」同埋「挪威三文鱼扒」🐟，厨师功力好够，两块扒都煎得好香，而且唔会煎到过晒火喉，变得好干身或者柴皮。尤其是三文鱼，食嘅时候更加系食到入面嘅嫩滑，非常好。
我哋仲嗌咗个「碎蛋沙律三文鱼牛角酥」，佢呢度嘅牛角酥系可以自己拣配料嘅，例如可以拣烟鸡肉、烟三文鱼、烟鸭胸、烟猪手肉、芝士、碎蛋沙律、吞拿鱼、火腿或者蕃茄都可以任拣两款。呢个牛角酥份量好足够，同埋「碎蛋沙律+三文鱼+牛角酥」呢个铁三角组合，真系令人难以抗拒😍
饮品方面，嗌咗一杯「冻焦糖芝麻」同埋一份「云呢拿雪糕咖啡」🍧。先讲下个「冻焦糖芝麻」，我开头惊会太甜，但系饮落反而会有一阵芝麻嘅香味出嚟，整体嚟讲我觉得好平衡。
另一方面个「云呢拿雪糕咖啡」，又系好正，我偷饮咗几啖，同样地我都系觉得好平衡，啲咖啡味唔会太浓，云呢拿雪糕嘅甜味又唔会遮晒啲咖啡味。我个人觉得可以做到「平衡」呢件事系好考功夫㗎！☕️
整体嚟讲，呢一间cafe无论系装修到食物，前菜到饮品，都做得好。唔通呢啲就系叫做隐世餐厅😂
食完呢餐之后上船，食到饱晒嘅我哋都冇咩心钓墨鱼，可以专心饮啤酒吹水喇🥳🍻
法式焗田螺
1 浏览
0 赞好
0 留言
美国安格斯西冷
1 浏览
0 赞好
0 留言
挪威三文鱼扒
1 浏览
0 赞好
0 留言
碎蛋沙律三文鱼牛角酥
2 浏览
0 赞好
0 留言
冻焦糖芝麻
2 浏览
0 赞好
0 留言
云呢拿雪糕咖啡
1 浏览
0 赞好
0 留言
张贴
