雲南風味小鍋米線

营业中

休息中

小妹不嬲都唔好米线，但系系无选择既情况下黎食左次，之后我竟然成日挂住佢😂仲自己黎食左好几次😂😂𩠌呢就同其他店差不多，而今次就叫左碗小锅米线 🍜加左腐竹，酸菜，鸡翼，肥牛😍汤底转咗做酸辣浓汤。腐竹系鲜腐竹黎既，份量非常多！口感好顺滑豆味都够香😋唔会好易烂食落去都仲有啲口感。最钟意系同米线夹埋一齐食🤩酸菜嘅份量亦都系好多好多！多到系基本上每一啖都一定会有佢🤣味道偏甜唔会话太酸。口感爽脆好开胃😌肥牛就系平时打边炉𠮶款，不过不失。鸡翼有2只，都够入味，但系肉质比较实，一定系做惯运动嘅鸡😂😂我谂最吸引我嘅系佢嘅汤底同米线，以前成日觉得米线太过稔。冇乜口感。但系呢度嘅米线会有少少烟韧嘅感觉，同埋比较幼身。汤底酸酸辣辣令人食唔停口。辣度又可以自行选择，啱晒唔同口味嘅米线控。