影片
更多
2017-06-22
361 浏览
我。还愿意等。。。。等你呀！话说约咗阿哥黎食饭，点知佢一次都迟左个半钟。。其实我真系想发脾气，但系系呢一个舒适咁靓嘅环境之下，仲有周边嘅食客都系斯斯文文大大方方，我唯有继续等。约你食饭系七点钟最后你八点半先嚟到。。。只能够说冇办法啦鬼叫你系我呀哥。好彩嘅系餐厅亦都10分有耐性，不会迫交枱，不会问你几点先上得菜。俾你舒舒服服，系呢个楼底咁高嘅餐厅里边慢慢等。呢个晚餐我哋点嘅食物唔算多，但系每一样都十分之精彩。首先来的系一个洋葱汤，一个法式洋葱汤要做得好饮绝对唔容易，汤底要够浓而且清唔可以有油。呢一度嘅洋葱汤系计我之前喺一间老牌嘅法国餐厅饮过之后第二个好美味嘅。呢度用嘅洋葱汤汤底唔系用牛骨咁简单，为咗令到味道更加清甜口感更浓郁，佢哋系牛骨同猪骨一齐煲，先可以做到咁浓郁嘅味道，再配上大量嘅洋葱，大家都知道传统嘅洋葱汤呢系会有一旧芝士，而呢一度呢为咗令到佢冇咁滞，改良咗用上芝士多士。味道同样出色。接住就系令人惊喜嘅龙虾汁炒波士顿龙虾，呢个菜我觉得每一位嚟到嘅人都应该要点，呢度系呢度嘅主厨的得奖名菜，而我觉得佢系经济实惠嘅菜式，龙虾汁其实唔系汁，而系美味嘅龙虾汤做汤底，配上蒜片，金不换，黑椒等等
话说约咗阿哥黎食饭，点知佢一次都迟左个半钟。。其实我真系想发脾气，但系系呢一个舒适咁靓嘅环境之下，仲有周边嘅食客都系斯斯文文大大方方，我唯有继续等。
约你食饭系七点钟最后你八点半先嚟到。。。只能够说冇办法啦鬼叫你系我呀哥。好彩嘅系餐厅亦都10分有耐性，不会迫交枱，不会问你几点先上得菜。俾你舒舒服服，系呢个楼底咁高嘅餐厅里边慢慢等。
呢个晚餐我哋点嘅食物唔算多，但系每一样都十分之精彩。
首先来的系一个洋葱汤，一个法式洋葱汤要做得好饮绝对唔容易，汤底要够浓而且清唔可以有油。呢一度嘅洋葱汤系计我之前喺一间老牌嘅法国餐厅饮过之后第二个好美味嘅。
呢度用嘅洋葱汤汤底唔系用牛骨咁简单，为咗令到味道更加清甜口感更浓郁，佢哋系牛骨同猪骨一齐煲，先可以做到咁浓郁嘅味道，再配上大量嘅洋葱，大家都知道传统嘅洋葱汤呢系会有一旧芝士，而呢一度呢为咗令到佢冇咁滞，改良咗用上芝士多士。味道同样出色。
接住就系令人惊喜嘅龙虾汁炒波士顿龙虾，呢个菜我觉得每一位嚟到嘅人都应该要点，呢度系呢度嘅主厨的得奖名菜，而我觉得佢系经济实惠嘅菜式，龙虾汁其实唔系汁，而系美味嘅龙虾汤做汤底，配上蒜片，金不换，黑椒等等嘅材料炒美味而新鲜嘅波士顿龙虾，波士顿龙虾足一点五磅，刚刚好摆喺呢个咁靓嘅猪铁锅中间，波士顿龙虾十分之弹牙鲜嫩，配上呢个自家制的龙虾汤汁，亲上带点牛油香味嘅面包，份量够多，而且味道系完美。
而且一个菜式三种食法，＄400嘅价钱绝对系相宜，直情要用抵形容。两个人食份量刚好，另外要欣赏嘅就系佢哋系原只龙虾落去煲，所以呢连啲膏呢，都会留喺呢个汤底里便。每一啖都系龙虾嘅精华。
甜品我哋叫咗一个姜汁梳附里，制作需时大概要30分钟，各位要点呢个菜式记得很想主菜嘅时候就好下单，梳乎里最着重嘅系空气感，呢一度做嘅系绝对出色，姜汁味道刚好不会太甜，连奉上嘅云呢拿酱汁亦都可以唔点，空气咁轻盈，味道清而不太甜，简单但做得精致。
想喺呢度同大家分享嘅就系呢一度嘅红酒都好好饮而且价格实惠，每杯都系＄70左右咋。另外，soft drinks 大概系20 至＄30一杯，喺咁精致嘅餐厅里边有咁相宜嘅饮品价格，食物质素呢都系高级，但系消费呢就系抵，距离地铁站呢其实都系一条街嘅咋，我觉得值得大家迁移几个站过嚟呢一度试一试啊！
好多认识我嘅朋友都知道我系一个冇乜耐性嘅人，不过系呢一个咁靓嘅餐厅，咁好嘅服务，咁出色嘅美食之下，我嘅耐性突然之间增强左。
其实等一个人系咪浪费时间呢？问题在乎系呢一个人值唔值得你去等姐。
张贴
