麥記美食

营业中

休息中

一直都好想食返细细个食嘅锅贴𠮶只味道，早排喺网上面睇到话北角麦记美食嘅锅贴好食，于是今日就lunch time过北角买嚟食，我叫咗小笼包、锅贴同埋生煎包，老实讲佢嘅锅贴唔差，但系未至于好好食，因为佢本身唔系好大只，其实个size都可以接受，因为佢细只嘅关系所以肉汁就比较少，不过又咁讲，佢嘅价钱只不过系$10/3只，其实CP值已经好高，所以都可以推荐嘅…不过，我就系依三款里面，比较钟意食生煎包，佢嘅size唔系好大只，大过只小笼包少少，所以份量啱啱好，唔会话俾个包食到好饱，而佢嘅价钱一样系$10/3只，非常抵！至于小笼包，系即叫即蒸，所以大约要等10分钟，我觉得都属于好食嘅小笼包，因为佢只系$24笼，一笼有四粒，去边度揾咁平嘅小笼包，仲要味度唔差，佢唯一输咗就系环境，因为如果你要堂食系需要坐街，如果你接受唔到就买外卖啦。不过我真系推荐生煎包。