新沙洞大排檔 (好順景大廈1座) (已結業)

系元朗一间好有韩国街头特色嘅大排档，门口两张枱嘅环境真系似足韩国街边档，店内会播放韩国MV同好多韩国海报，气氛充满韩风之余食物质素都有返咁上下。铁板烧济州黑毛猪 $188-加配麻油紫菜饭+$18.00上枱用铁板即烧嘅切条黑毛猪，一边烧啲香气一路慢慢发出嚟，烧好后嘅味道十分之香口惹味，肉身半肥瘦食落好有口感仲要好多汁，就咁食已经好好味，点埋个酱汁更系超正🤤。泡菜猪肉豆腐汤 $118都算几足料，味道系个人比较钟意嘅甜酸辣均匀，入面嘅猪肉口感够嫩滑，菜都豆腐都够鲜甜，整体唔错。牛肉紫菜饭卷 $98好有惊喜嘅饭卷，咬落去果下会非常之多汁，牛肉味道鲜甜配合埋紫菜后口味丰富咗好多，味道比想像中正好多，一旧接一旧食到停唔到。韩国粟米茶（冻） $38餐厅有好多款供应汽水同烧酒等，而我除咗汽水之外仲试咗呢款粟米茶，将茶倒入有粟米粒同粟米串嘅杯入面道可以饮用，茶底清新配合甜甜粟米粒估唔到又几唔错，粟米串甜甜的几好食😋。新沙洞大排档 (好顺景大厦1座) (元朗)元朗凤攸南街3号好顺景大厦1座地下3号舖