來多碗車仔麵 (民裕街)

营业中

休息中

放假，当然唔会咁早起身啦！我同老公瞓到中午先起身，出得门口都成点几两点，呢个时间又好尴尬，下午茶又食唔到，咁既然系咁，我地就决定食车仔面。因为呢间几点食都好，个价钱都一样，唔会有分时段。讲真，呢间车仔面系工厂区黎讲都唔平，偏贵，分量少，𩠌就唔洗讲啦！阿姐会数住数住，每份得二、三旧，怕比多你咁，当然有D食物系细细粒既，会多几粒咁啦！可能大家都谂，点解我仲会去食，原因好简单，鬼叫佢好食同埋同附近黎讲，佢叫干净企理咩。餐厅：来多碗车仔面我地食叫左乜我就唔讲，大家睇相就知道。讲下佢有乜好食啦！尤鱼、牛肚、猪红、猪肠同萝卜都要试下，钟意食辣既朋友，佢系秘制辣酱，系甜辣酱，你可以就自己既辣度自己加，仲有另一个叫魔鬼辣，讲真，对我黎讲就真系一D都唔魔鬼，只系BB辣，之后我再去加，阿姐就话其实系枱面既辣椒油，唔洗专登出去加。