影片
更多
2017-06-15
2399 浏览
之前打过去问，原来唔系每日都有适合素食者食既午餐，而且日日都唔同午餐，所以要打去问。到目前我都唔知边日系有黑松露杂菌长通粉食><今次落到去发现系无黑松露杂菌长通粉，唯有食住卡邦尼意粉走烟肉先啦。落单果阵职员仲好好心问我想只蛋点整、问我熟蛋﹝佢讲到明系太阳蛋﹞好唔好，我好清楚地答「好」。野食未到之前，我地经历左几次「风灾」，绝对有好似地铁车厢入面咁大风。事关店中间、唔系正门位置有别一道门，都好多客出出入入，而我地刚刚坐正度门则边….前后开左十几次….吹到头都痛埋。同事既菜式黎啦！哗！不论猪扒同牛扒摆碟卖相都好靓，佢地仲话份量足，肉质好无渣添。不过好少餐厅用荷兰豆做伴碟，我同事唔钟意食就俾晒我。终于到我个卡邦尼意粉走烟肉黎啦，咪住先，我揾匀成碟、叫埋同事一齐揾都唔见有只蛋><。跟住我即刻同职员反映，佢话佢唔知…..之后佢帮我问完厨房话「你话要熟蛋吗，厨师同你捞左落去啦。」下？仲将个波推返俾我？咁多对耳都听到你自己话熟蛋即系太阳蛋㖞….俾我系个职员一定那那声叫厨房煎返只蛋出黎俾个客、唔会扮无左件事啰，一只蛋有几贵？！个卡邦尼意粉食落好大阵汤底味，实在太浓啦&#
之前打过去问，原来唔系每日都有适合素食者食既午餐，而且日日都唔同午餐，所以要打去问。到目前我都唔知边日系有黑松露杂菌长通粉食><
今次落到去发现系无黑松露杂菌长通粉，唯有食住卡邦尼意粉走烟肉先啦。落单果阵职员仲好好心问我想只蛋点整、问我熟蛋﹝佢讲到明系太阳蛋﹞好唔好，我好清楚地答「好」。
野食未到之前，我地经历左几次「风灾」，绝对有好似地铁车厢入面咁大风。事关店中间、唔系正门位置有别一道门，都好多客出出入入，而我地刚刚坐正度门则边….前后开左十几次….吹到头都痛埋。
同事既菜式黎啦！哗！不论猪扒同牛扒摆碟卖相都好靓，佢地仲话份量足，肉质好无渣添。不过好少餐厅用荷兰豆做伴碟，我同事唔钟意食就俾晒我。
终于到我个卡邦尼意粉走烟肉黎啦，咪住先，我揾匀成碟、叫埋同事一齐揾都唔见有只蛋><。跟住我即刻同职员反映，佢话佢唔知…..之后佢帮我问完厨房话「你话要熟蛋吗，厨师同你捞左落去啦。」下？仲将个波推返俾我？咁多对耳都听到你自己话熟蛋即系太阳蛋㖞….俾我系个职员一定那那声叫厨房煎返只蛋出黎俾个客、唔会扮无左件事啰，一只蛋有几贵？！
个卡邦尼意粉食落好大阵汤底味，实在太浓啦><，连我本身食开重味都觉得好咸。不过抵赞既系菇粒切得算大粒、几有口感。
一个午餐仲有甜品就够晒爽啦，是日甜品-啫喱！都算大杯呀，而且我要求绿色同多花奶又真系ok㖞！下次我都会再黎试下其他野食既。
卡邦尼意粉
22 浏览
0 赞好
0 留言
张贴
