重慶燒燒烤專門店 (已搬遷) 新店位置

早几日同屋企人去食烧烤, 第一次去食叫左好多野, 大家推介0既如蚬, 白鳝, 菠萝等等都有试 (西冷扒千祈唔好叫, 硬到呀妈都唔认得...), 以食物质素同价钱黎讲系值得一个笑哈哈的。但就如另一位食友所讲, 漏单0既情况十分严重, 本来谂住佢d 烧烤野出得慢就叫住个凉拌豆腐食住先, 一个钟头后其他bbq 野都黎哂咁滞但个豆腐都未有, 善意咁提追追佢, 佢就话"制作需时请耐心等候", 跟住就继续同人地落单, 完全无同我地睇睇厨房0既意思... 抱住睇下佢制作有几精美"0既心态继续等, 同时落埋第二轮野食0既单, 一路睇尖子攻略+家好月圆一路等。如是者等多半个钟都无到, 第二轮野食又陆续上桌, 再问另外一个伙记追单, 同佢讲如果系漏左就cancel, 佢又系就咁应左就算, 无话系漏左定整紧... 如是者又再过多半个钟, 豆腐终于黎, 系一个百福豆腐花加几条罐头炸菜!! 竟然要制作需时到要2粒钟?! 已经等到好累, 仲有一个焗金菇未黎... 同佢讲漏左就cancel, 伙计即刻话10分钟ok, 等到好唔耐烦0既我反问佢"10分钟?!", 佢即刻又改口"5分钟就得"... 跟住就真系5分钟