肉肉強食 by 鋒膳 (已結業)

好耐有锯过扒，一谂起锯扒，我就谂起长沙湾呢间肉肉强食，食过几次，每次都冇令我失望，今次都系，依旧都系咁好食同抵食。呢个吉列猪柳只系＄20 ，你冇睇错，今时今日仲有＄20 嘅铁板我真系揾唔到香港有其他地方有，而且质素唔差，猪柳肉质咬落有口感，完全唔嚡，而且猪味浓，劲抵食。朋友食嘅系杂扒餐，睇落材料丰富，味道应该都唔差。比目鱼扒有一份半，份量算系相当有诚意，鱼肉几滑，加钱跟餐仲可以配埋饭/意粉/薯菜，餐汤，面包再加甜品。今时今日呢个价位实在系冇得输。