湘肴世家

营业中

休息中

湘肴世家餐厅系正弥敦道,都几就脚,而且仲系我最中意既辣野,但因为要上一层楼梯先到,懒人如我就一直都无去。今日终于的起心肝跟同样嗜辣既老豆去食喇.食湘菜当然必食口水鸡,平时食开既地方都有一层芝麻舖系面,依度无,取而代之既系辣椒溶.湿湿地,颜色比蒜溶深,磨得比蒜溶细,大概只系中小辣程度。整体冲汁料只有辣味,有啲寡鸡系主角,又就系致命伤.鸡本身无乜味,鸡肉应该无腌过,咁都正常既.最大问题系鸡肉相当梅,绝大部分餐厅都用冰鲜鸡,都有相同问题,其实如果唔特别严重都唔会专登提起.鸳鸯鱼头系将鱼头左右切半,2边既煮法系一样既,最后再系各自洒上唔同既配料,分别系红/绿辣椒,侍应介绍果阵话红辣椒果边系纯辣,绿辣椒果边既酸辣,可能因为食咗红色,即系浓味果边先,再食绿色果边时又唔觉酸辣㖞,红色绿色其实味道差别不大,辣度比口水鸡再轻一啲,所以仲食到鱼既味道。依种水库鲩鱼都几滑㖞,唔错.猪手煮到林晒,夹上筷子有啲甩皮甩骨,我比较中意好咬口既猪手,依种质感应该较适合老人家喇,而且完全唔辣.男侍应非常勤力,一个人走全场,相反几个女侍应成日围埋倾计唔望枱,搞到叫𩠌,酙水,摆餐牌都要揾男侍应,真系唔系咁好意思.