民益

营业中

休息中

星期五入咗赤柱逛下食下嘢。平时见市集生果铺门口成日大排长龙有人等位，由于今日是平日，只有一两个人等，所以入去睇吓有乜食。啲人应该系等门口𠮶间「泗益」茶餐厅食西多士......但见冇位，所以去咗隔离𠮶间「民益」食鱼蛋粉。一坐低就有几只「豆豉」飞来飞去，有啲想转呔，但最后都叫咗碗鱼蛋粉、油菜同奶茶。档口只有两个人做嘢，一个负责煮面，一个负责落单同上食物。地方细细只有六七张枱，而且坐唔满，只见厨师系咁煮，但煮极都轮到我哋张枱，只见阿姐成日攞咗啲麺出去唔知边度！等咗好耐，又催咗几次,速度简直超慢，有啲唔耐烦！另外𠮶个阿姐成日藤来藤去，好似好忙咁，隔离新来𠮶两个客人想叫汽水，阿姐都叫佢自己去啰！客人都O晒嘴最后鱼蛋粉终于嚟咗，好彩都ok，啲面幼身而且几滑口，鱼蛋都有鱼味及口感ok。奶茶味道有大排档风味，但比想像中细杯！油菜都好细碟，好似一棵生菜都唔够！不过都几爽口。不过基于环境质素同速度，应该都唔会再有下次了。