影片
更多
2020-07-19
514 浏览
讲起出色嘅连锁蛋糕店，La Famille 一定榜上有名，除左卖相吸引，食过几次质素都好稳定，仲不断推出期间限定款，成日路过都心思思想食。原本想试最新嘅香芋椰子，可惜放工时间去已经卖晒，不过都无阻我食蛋糕嘅决心，一口气要左五件。店员细心提醒要即日食同打直拎啲蛋糕，可惜返屋企途中架车急停，件榛果咖啡朱古力飞晒啲忌廉出黎唔见得人，所以相入面得四件。质感方面，佢地嘅戚风蛋糕湿润度啱啱好，唔油而且有弹力，忌廉幼滑轻盈。日本柚子:之前食过觉得可以encore嘅款，忌廉混合左糖渍高知县柚子皮酱，蛋糕有一丝丝果皮，酸甜清新，最啱夏天食。香浓开心果:呢件贵$10所以特别期待，蛋糕有好多开心果碎，连啲忌廉都有果仁味，真材实料，加埋微酸嘅士多啤梨几夹。意式香草奶冻:香草奶冻滑溜，见到有唔少云尼拿籽，配原味戚风蛋糕同忌廉，都好食但味道无其他款式咁丰富。青森苹果吉士红茶:呢件都系近期新作，蛋糕闻落已经好香茶味，食落啖啖都有茶叶碎，深得妈妈欢心，青森苹果以三盆糖煮过，有少少肉桂味，个馅系唔太甜嘅吉士忌廉。榛果咖啡朱古力:咖啡同朱古力味平分秋色，仲有粒朱古力脆脆喺面头，虽然无图畀大家睇但推荐你地一试！
质感方面，佢地嘅戚风蛋糕湿润度啱啱好，唔油而且有弹力，忌廉幼滑轻盈。
日本柚子:
之前食过觉得可以encore嘅款，忌廉混合左糖渍高知县柚子皮酱，蛋糕有一丝丝果皮，酸甜清新，最啱夏天食。
日本柚子
$54
51 浏览
0 赞好
0 留言
香浓开心果:
呢件贵$10所以特别期待，蛋糕有好多开心果碎，连啲忌廉都有果仁味，真材实料，加埋微酸嘅士多啤梨几夹。
香浓开心果
$65
22 浏览
0 赞好
0 留言
意式香草奶冻:
香草奶冻滑溜，见到有唔少云尼拿籽，配原味戚风蛋糕同忌廉，都好食但味道无其他款式咁丰富。
意式香草奶冻
$54
10 浏览
0 赞好
0 留言
青森苹果吉士红茶:
呢件都系近期新作，蛋糕闻落已经好香茶味，食落啖啖都有茶叶碎，深得妈妈欢心，青森苹果以三盆糖煮过，有少少肉桂味，个馅系唔太甜嘅吉士忌廉。
青森苹果吉士红茶
$54
8 浏览
0 赞好
0 留言
榛果咖啡朱古力:
咖啡同朱古力味平分秋色，仲有粒朱古力脆脆喺面头，虽然无图畀大家睇但推荐你地一试！
张贴
