JOMO Kitchen & Health Hub (已搬遷) 新店位置

今日放假约左个朋友黎到将军澳食个brunch chill下。素闻呢间既戚风蛋糕唔错，所以黎呢间位于海傍边既餐厅黎聚会。去到唔少人排队，都等左一段时间先有位。睇完餐牌，我地拣左威士忌木桶烟熏鲑鱼忌廉芝士酸种面包、法式油封鸭脾配焦糖苹果忌廉芝士酸种面包、伯爵茶戚风蛋糕同热美式咖啡。威士忌木桶烟熏鲑鱼忌廉芝士酸种面包比想像中大份，有只流心蛋，三文鱼偏咸，面包搽左忌廉芝士，食完都饱肚。法式油封鸭脾配焦糖苹果忌廉芝士酸种面包唔会太干，面包有nuts，都搽左忌廉芝士，流心蛋好流心，唔错，如果大份d就好啦。伯爵茶戚风蛋糕好松软，好湿润，伯爵茶味浓，淋上少少焦糖味既cream，一大享受。