LA FAMILLE (已結業)

屋企人生日，趁机会试吓啲未食过嘅蛋糕，谂起呢间来自日本都几有人气嘅蛋糕店，佢嘅戚风蛋糕的确做得几好，蛋糕质感松软，个cream都几顺滑又唔太甜，一人一个切都悭返😆，整体几满意，影相都靓!! 去到先知原来几多味道可以拣，选择困难症嘅我都企咗喺度拣咗好耐!! 🔘大甲香芋黑糖麻糬自己觉得呢个味道最好食，因为有烟韧嘅黑糖麻糬喺入面令口感更丰富，香芋味都好浓郁!! 🔘榛果炭烧咖啡呢个味道系店员推介，咖啡味唔算太浓，配合甜甜的榛子酱都几夹!! 🔘日本柚子戚风蛋糕里面混合左柚子皮粒粒，食落好香柚子味几清新同特别d!! 🔘日本日向夏蜜柑 呢个系屋企人点名想食嘅，因为蛋糕上面有香甜嘅蜜柑，佢应该系想食到多啲生果😊，仲有少少金s箔作为点缀，但我食𠮶一啖食唔到cream，试唔真个味🤭!!