澳洲牛奶公司

营业中

休息中

寻晚去富临食得唔满足，就黎呢度食甜品啦。点知又想食茶餐，真系估唔到呀。当我坐度果阵，个后生伙记执既时候，整湿我条裤。佢仲唔理我，返到黎妈子嘈佢。其实佢返黎想同我道歉架。仲比tempo我清洁，实在太好啦。估唔到战乱中都有人情味。我地叫左两个茶餐，之后想叫甜品。个后生仔就建议我地食完茶餐先食甜品，茶餐厅都可以做到咁既服务，佩服。炒蛋落左小小牛油整，但都可以好滑。呢个相信系香港最好食既炒蛋，又够味，太正啦。多士系厚多呢既，搽上鲜油真系好正呀。叉烧汤意粉叉烧好好味，又够淋。而意粉整得好爽口，有客会食到一条不漏。好有料到。火腿片无乜特别既。煎蛋都算几好食既，蛋边好脆架。不过下次都系嗌返炒蛋。热奶茶好香既丝袜奶茶，茶味够，又唔会落得太多奶。有料到。杏汁炖蛋好正呀，个蛋好滑，再配上杏汁真系一流既。炖奶都几好食，同炖蛋一样滑既，真系好正。实有下次既，因为估唔到茶餐厅都有这样体贴既服务。临走既时候，有个"金毛"伙记好大声叫个客唔该借借。虽然好命令式，但咁样系要个客留心。可能碗通粉真系好热，佢先同个客咁讲。真系睇到我定哂。再一次向澳洲牛奶公司既伙记致敬。