Le Pain Quotidien (已結業)

约咗人倾嘢，对方拣咗呢间位于利东街嘅Le Pain Quotidien，原来餐厅名系法文嘅‘daily bread’🍞咁解。餐厅位置好方便，由地铁站A3出口行2分钟就到，见到一对著唐装嘅男女雕像就知去啱地方喇。餐厅有分室内同户外座位，室内亦有卖自家制面包同甜品。当日天气非常好，所以我哋拣咗户外座位，环境舒适，枱与枱之间疏落，同人倾嘢有私隐。👍🏻每张枱上都有QR Code睇menu同落单，但如果要俾cash，就要入返室内cashier落单喇。店内人手的确唔足够，尤其店员好少顾得到户外客人，但尚算亲切有礼，服务OK。😇☕️Mocha ($42)叫了大size的Mocha，但嚟到份量比我想像中大，竟然系用一个大碗装~ 朱古力味浓郁，咖啡醇香，入口顺滑。🍹Mint Lemonade ($35)酸甜中有阵阵柠檬香味，配埋新鲜薄荷叶，而且糖浆分量恰到好处唔会死甜，味道清新。☘️餐厅环境舒服宁静，位置方便，好适合同人倾嘢。写食评时先知原来Le Pain Quotidien系比利时菜，有机会都想试佢哋嘅早餐。🤤