協盛大排檔 (已結業)

好多年前成班朋友黎过，第一次坐喺街边打边炉，觉得好正！几年后终于又再有机会再黎！当晚无book位，去到大概8点左右，因为有少少飘雨，所以本来老板话开唔到枱，后来就叫我地拍埋啲坐，咁就有得食啦！✌叫左芫荽皮蛋汤底先，芫荽味闻落都几劲，但食落无乜。2个人唔食得多, 所以有啲嘢想食但叫唔到，好似饺子呀云吞呀咁，一碟成12只，食唔哂🙈最后叫左手切肥牛，西洋菜，金菇，花甲，炸鱼皮，四宝丸仲有公仔面同汽水。（2条友都食唔少嘢😂）虽然好多人，但啲店员服务态度非常好，我问左好多问题佢地都好有耐性答我。啲嘢食好快就送到，多到张枱都放唔哂，店员即刻拎张櫈俾我地放。手切肥牛嘅份量都几多，绝对够2~3个人食，食落同平时𠮶啲急冻牛肉唔同，会厚身少少同细块啲，食落比较有口感。花甲好新鲜，$128有6大只，好抵食呀！啲花甲上枱𠮶阵仲识郁，劲新鲜！烚耐左但都唔会韧，好好味。炸鱼皮好脆，我地就咁食都食左好多。四宝丸入面有手打墨鱼丸同虾丸，另外2只系牛丸同唔记得左咩丸，细细粒我钟意，可以试又唔会话太饱。金菇同西洋菜就无咩特别。最后加个公仔面就完满！传统Gas炉下次会再帮衬！