新龍城茶樓

营业中

休息中

饮茶、食点心永远唔会嫌闷😆而架可以比食客带雀仔＆雀笼嘅茶楼🥢唔多，除咗呢间同大帽山嘅端记，好似都无了～趁呢啲有本土特色嘅食店仲喺度嘅时候，真系要好好珍惜！👇🏻新龙城茶楼系喺牛池湾龙池径，亦即喺迟啲将会清拆嘅牛池湾邨入面😥呢度唔难揾，彩虹B出口穿过有盖街市，再一路沿住露天街市行到尾转右，就会见到👍🏻茶楼有分室内👆🏻同室外👇🏻，咁当然坐室外有风味啲啦～有盖半露天嘅座位，日晒雨淋都唔惊😹👇🏻坐室外仲可以一路听住雀仔唱歌，一路食嘢🥰可能会有人惊雀仔喺食店唔卫生，不过都唔洗担心，茶楼喺露天部份划咗位比啲雀仔👍🏻👆🏻点心放晒喺室外，我地出去同啲服务员姐姐讲要啲咩，佢好贴心帮我地拎埋👇🏻不过，可能我去嘅时候唔算多人(中午12点左右)，啲姐姐先得闲😹👇🏻点心、小食种类算多，经典嘅鸡球大包、虾饺、烧卖、盅饭都会有👍🏻每款十几至廿几蚊不等，而室外茶钱两蚊鸡🤫除咗有点心之外，👆🏻午市、晚市👇🏻会有小菜𠮶啲～👇🏻室外都唔比食烟架🚭👆🏻两个人叫四个点心、一个盅饭🥢啱啱好～卖相都可以👍🏻同而架新式嘅茶楼有得挥架😹而且新鲜热辣，份量都适中～系东九龙饮茶嘅好选择啊！