Irina (已結業)

我系去太古城中心果间。不过OR好似无呢间餐厅，就写住响度先。话说好姊妹生日，想买个靓啲既蛋糕，就试下呢间新野。六个人食，就拣左三层十二件果款。承惠三百八十八，算系中价蛋糕。佢有得自选十二种味，花多眼乱，亦都终于唔洗担心边个钟意乜味，唔钟意乜味。见到盒蛋糕哇一声，都真系几靓。另一个哇系都几难拎出黎，佢个顶粒生果系痴住个盒，基本上好易整到。同佢既生日牌系分开上，要自行搞掂。不过真系好靓，一拎出黎所以姊妹都话好特别。仲可以好多味大家开心互试。十二款味唔逐款讲，重点讲几只印象深刻啲既。开心果 - 好香开心果味，好正，推介！杏仁豆腐 - 系杏霜味，好多人未必会钟意，不过我觉得几特别同好味！甜酱油 - 未去到好正，不过几搞笑几特别，甜甜地不过又食得出少少豉油个feel。其他啲咩抹茶，芝麻，tiramisu，咖啡等等野都好味，不过系好大路做到既野啦。总括黎讲系一百分靓同二百份好玩既蛋糕！