力奇四季火鍋 (已結業)

今次一行五人！之前一直听闻呢间啲野食全部都大大份，所以就黎见识下😜我地卜左6:30pm, 所以黎到时都未有太多人，但系食到中途都开始多人入座而且坐满晒。店内都有几部电视机而且有超强劲冷气，唔洗怕食到出汗🤡我仲食到有啲冻tim。Menu纸佢有分一张系你自己填数量，可以填1/2去拣一半份量。呢张纸就无价钱既，要睇另一张过左胶既menu先有价钱。我哋拣咗蕃茄薯仔煲。入面有超多蕃茄同粟米（超甜），薯仔另上。肥牛有分大/中/小size, 我地五个人拣左大碟，岩岩好食晒。肉质好鲜嫩，唔鞋口。醉鸡有半只同一只拣，我地拣左半只，份量都唔少！而且仲有几条人参铺喺面头。佢俾咗鸡脾肉我哋，肉质非常滑溜！而且烚完之后仲keep到好香酒味好好食！白栢叶就麻麻地，太大块之余而且咬唔开。双拼墨鱼滑/虾滑。佢完全唔系虾滑系虾仁😑唔系我想食既口感😭但墨鱼滑系好食既！叫左双蚌！又系大大条！无乜鲜味，要靠点辣豉油吊一吊味。叫咗咁多嘢食埋单最后都系每人$310，都算好抵食。