韓舍 (已結業)

「千里之堤 溃于蚁穴」见呢间餐厅咁多人吹捧，便打算同家人嚟试吓，早几日已特地打嚟订位 6:30，电话上讲明 10 分钟留位。当日 6:37 到达，去到台前个带位女店员黑面噉寸我话 「迟咗少少㖞小姐」，当下真系以为自己迟大到，点知睇返其实都系迟咗几分钟咋㖞。估唔到呢度嘅服务态度咁差，成餐饭都未开始食，已经俾呢一句毁了。入座后周围望吓，原来都只有七成满，尚有唔少空位。座位就几舒服嘅，大大张梳化椅，给予足够嘅位置摆放食物。食物款式都唔少，有沙律、生食、熟食、鱼生、甜品等等，但多又点啫？味道都系平平无奇，唔见出色。作为韩烧嘅主打-肉类，肉质更加比其他更平嘅韩烧差。仲可以 diy 章鱼小丸子、炒雪糕等，但玩吓就好了，冇见过人成功整到。只可以讲如果一间餐厅嘅服务差劣，尽管食物有几丰富，水准有几高都系无补于事。何况呢间餐厅都只系重量不重质，水准都谈不上高吧。真失望。