FooDo

营业中

休息中

艺人林秀怡有份开的日式手作餐厅，几年前新开张有食过，之后好多时见到要等位就去左第二间餐厅食。今次再食，回忆返晒黎！餐牌选择唔多，手作阔面以及自家制作面团所烤焗的薄饼是餐厅招牌。① 忌廉汁凤尾虎虾、菠菜叶配手作阔面 $104三只虎虾都算弹牙，手作阔面有厚度有嚼口，仲有阵蛋香味，我几钟意呢种质感。食物上枱时见到好多黑椒碎，我觉得有少少盖过了忌廉汁，不过捞匀后我又几喜欢呢个味道。② 腌肉、菠菜叶、车打芝士手作薄饼 $96 长方形Pizza分为四份，菠菜叶占了很多位置，下面有腌肉，味道偏咸，但夹埋一齐食啱啱好，批边都几脆口，饼底中间有啲烟韧，几有咬口。朋友卷埋一齐食好似食紧卷饼咁，呢个创新食法几正！主食奉送冻水果茶或冻冷泡玄米茶，冰冻清甜，啱晒夏天饮。③ 烤焗芝士鸡块 $48四件鸡块都几大件，芝士在表面包住鸡块，烤焗过后有阵咸香，咬开热辣辣，肉嫩有汁，好食。④ 焦糖脆脆蛋糕 $54蛋糕好绵好软，焦糖脆脆坚系脆口，夹埋一齐食味道唔会过甜。.虽然食物份量唔算大份，但两个人叫两份主食，加份小食其实都够饱。