黑麥 (已結業)

慵懒嘅星期日上午，最适合就系去brunch。位于天后嘅呢间小店💛💛绝对系星期日brunch嘅好去处。餐厅内更加有连侬墙，帮衬𠮶阵可以写低自己嘅心意。地我叫咗烟三文鱼黑麦面包，all day breakfast同scone。黑麦面包真系好好食，可能系为咗迎合香港人嘅口味，佢比起传统嘅黑麦面包冇咁干身，不过都好香，配上佢嘅capers cream cheese，更加突出黑麦面包。而all day breakfast都几有惊喜，佢嘅baked beans加入左菠萝，原本以为会酸酸甜甜，但系喜出望外地，竟然有一阵烟熏味，真系几特别。另外我哋加咗scone，有啲令人失望。60蚊两件，以佢嘅质素真系有啲贵。Size相比起出边嘅比较细件，冇乜牛油香味，而且放咗好耐，好干身，而中间更加系冻嘅。附上嘅clotted cream更加唔知放咗系冰箱几耐，我食到嘅，只系一块块嘅冰。