拾味正宗刀削麵館 (歌賦街) (已結業)

今日经过上环个头，肚饿想食面，见到间刀削面就入去试下。入到去空间唔大，都有两部冷气，几够凉。我地嗌咗个醉鸡同蒜泥牛展刀削面，跟餐+$6就有豆浆跟，冷热都得。醉鸡好入味，咬落去口入面充满住阵阵酒香，有鸡髀鸡翼，碟细细但都几大份，鸡肉又够滑。蒜泥系生蒜磨碎而成，食落口都几辣下，仲带少少酸味。牛展就好够腍，酱汁都好入味!主角刀削面系全人手工制，每一条嘅长阔厚薄都唔一样。口感唔错，食落口够滑捋捋，面嘅边边够薄。