影片
更多
2023-04-15
1019 浏览
餐厅：JEP by Involtini (屯门)地址：屯门良德街8号珀御地下G05号舖Hey What? Tonight Just Eat Pasta！连续五年获得米芝莲推介、杜汶泽都有介绍过嘅Involtini Italian Cuisine，三年几前喺屯门开咗姊妹店JEP by Involtini，今次专登入咗屯门下白泥附近行山🏔，之后就book咗呢间由米芝莲大厨亲自领衔嘅意日Fusion手工意粉餐厅🍴餐厅分咗室外同室内座位，室内以黑白色系构成典雅嘅型格风⚫️⚪️，除咗几张方枱之外，仲有望住Open Kitchen嘅高櫈吧枱；室外就比较写意，日头同夜晚有两种截然不同嘅气氛，睇吓入夜之后四围嘅树开晒灯几靓几浪漫😍，而且餐厅仲喺Pet Friendly，可以带埋心爱嘅猫猫狗狗过嚟添🐩晚市见到有A La Carte Menu同3-Course Tasting Menu，识拣一定喺拣后者，包前菜、主食、甜品同饮品。啱啱坐低店员就送上热辣辣法式牛油面包同酸种面包🥯，配埋餐厅自家制嘅黑醋牛油一齐食又喺一番滋味🧈，另外叫咗两杯咖啡——Cappuccino同Latte，两只天鹅喺咖啡上双双起舞🦢，活灵
地址：屯门良德街8号珀御地下G05号舖
Hey What? Tonight Just Eat Pasta！
连续五年获得米芝莲推介、杜汶泽都有介绍过嘅Involtini Italian Cuisine，三年几前喺屯门开咗姊妹店JEP by Involtini，今次专登入咗屯门下白泥附近行山🏔，之后就book咗呢间由米芝莲大厨亲自领衔嘅意日Fusion手工意粉餐厅🍴
餐厅分咗室外同室内座位，室内以黑白色系构成典雅嘅型格风⚫️⚪️，除咗几张方枱之外，仲有望住Open Kitchen嘅高櫈吧枱；
室外就比较写意，日头同夜晚有两种截然不同嘅气氛，睇吓入夜之后四围嘅树开晒灯几靓几浪漫😍，而且餐厅仲喺Pet Friendly，可以带埋心爱嘅猫猫狗狗过嚟添🐩
晚市见到有A La Carte Menu同3-Course Tasting Menu，识拣一定喺拣后者，包前菜、主食、甜品同饮品。
啱啱坐低店员就送上热辣辣法式牛油面包同酸种面包🥯，配埋餐厅自家制嘅黑醋牛油一齐食又喺一番滋味🧈，
另外叫咗两杯咖啡——Cappuccino同Latte，
两只天鹅喺咖啡上双双起舞🦢，活灵活现，打卡一流📸
✝️前菜
用咗面豉同清酒腌渍八爪鱼两日🐙，够晒入味同软腍，之后拎去烧香，带有轻轻焦脆口感同焦香味道，入口几爽嫩😋，配埋超级Juicy嘅日本高糖番茄🍅，比我想像中香甜好多！昆布醋啫喱仲带嚟醋香嘅味觉冲击，更加开胃🤓
✝️主菜—手造意大利幼面配西班牙红虾·红虾膏浓汁 (+$160)
餐厅新鲜每日自己搓面团，再用专程喺外国购入嘅压面机将面团压成唔同形状，整成各式各样嘅手工意粉🍝，而呢个餐厅No.1嘅Signature意大利幼面就赢得唔少人掌声👏：两只剥左壳嘅巨型西班牙红虾🦐，整齐咁排列喺幼面旁边，用咗红虾、甘笋、白兰地煮成浓汁，食完只弹牙新鲜嘅红虾，再将虾头入面嘅浓郁虾膏捞埋幼面一齐食，𠮶种鲜甜得嚟一啲都唔腥嘅滋味真喺浓而不腻，
加上Al Dente半生熟嘅幼面质感，外软内烟韧，软硬控制得啱啱好，真心只有经验同手工制先整到咁好食，值得推荐👍
✝️主菜—松叶蟹甲罗烧蟹膏意大利饭 (+$80)
充满层次感嘅日式fusion意大利饭，外围主要用咗昆布、蚬同蟹汤去炖香个饭，内层再加埋松叶蟹肉、蟹膏，仲有生鹌鹑蛋，
以甲罗烧嘅做法去调味，先喺外层食一啖，再到内层又食一啖，最后捞匀一齐食，由淡到浓，由好味到更加好味，蟹嘅鲜香渗透喺每一粒意大利饭之中🦀️，三种食法带嚟三种滋味，唔知你又钟意点样食呢😜
✝️甜品
鲜甜嘅青提子、清新淡淡提子香嘅Mascarpone cheese 、法式蛋白薄脆、混合咗提子同柠檬嘅啫喱🍇🍋，四款唔同质感同味道嘅食物，集甜、酸、咸于一身，有松脆、有柔软、有滑溜、有爽脆，用叉整散再一啖放入口，水果嘅甜酸中和咗Mascarpone cheese溜嘅感觉，更加多嘅喺幸福同丰足嘅滋味🥰
张贴
