露面手工拌麵料理

今日去到湾仔食面食，露面手工拌面料理，餐厅就喺修顿球场隔离，地点非常便利，邻近地铁站同埋众多巴士站。一去到门口，见到有几个人已经排紧队，好彩我哋等咗一阵就入得。-麻辣云耳谂住都系standard前菜，点知一食有惊喜，佢入面有加到一小块柠檬，大量紫洋葱，味道更加接近天然嘅甜酸甜酸，我哋都好钟意佢嘅味道，入味好食。-粒粒巴蜀大云吞一共有五粒，加咗麻辣酱了之后，非常惹味，云吞本身亦都非常足料，当中加咗木耳，口感爽脆爽脆。-镇店蟹黄拌面用阳春面做面底，蟹黄酱分开上，唔会浸到啲面淋哂，蟹黄酱都算足料，食得出里面有蟹肉同埋蟹黄，唔会话煮得太过𤋮，咁样阳春面先可以挂到啲蟹黄酱一齐食。蟹黄酱味道可以，唔好期望系超级浓郁，呢个价钱我觉得绝对唔错。-麻麻辣辣牛展Biang Biang面来自陕西嘅面，经过改良更加适合南方人食，食落轻身，卦汁同埋口感一流，已牛展亦都煮得入味，有咬口，加咗麻辣酱汁，惹味非常。-评分 : 6.5/10简评 : 性价比唔错，见到有套餐亦都非常吸引划算，可以一试。