餃掂手工餃子雲吞專門店

手工饺子，真材实料，即叫即整，饺子馅料饱满，多款饺子选择，款款都好吸引，仲有煎饺、汤饺、蒸饺，样样都好味呢款 [ 龙凤松茸双煎饺 $98 ] 系招牌饺子之一，一碟有哂两款唔同口味嘅饺子，黑松露及白松露各有4只；两款都有独特嘅松露味，香浓松茸味，食过一次就爱上嘅味道叫咗份面食，拣咗小辣嘅 [ 四川凉皮 $32 ] 份量都几大碗下，口感辣得惹味，咬落爽口弹牙，晶莹通透嘅凉皮好味道小食叫咗3款有 [ 回味手拍青瓜 $25 ] 味道酸酸辣辣，口感爽脆，越食越开胃；[ 黄金原味皮蛋 $28 ] 橘黄色嘅原味皮蛋，外表晶莹通透，食落口感烟韧弹牙；[ 蜜饯鸡翼 $24/3只 ] 大只又饱满，肉质嫩滑，够哂入味，口感juicy叫咗两樽饮品，一樽系 [ 蜂蜜柠檬薏米水 $28 ] 拣咗热饮，落咗蜂蜜嘅柠檬薏米水，味道微甜，滋润喉咙，仲有大大粒薏米，口感软绵绵；另一樽系 [ 自家制山楂雪梨水 $28 ] 入面嘅材料包括有山楂片、雪梨、甘草、冰糖、麦芽、水等，味道酸酸甜甜好开胃