餃掂手工餃子雲吞專門店

饺掂个名改得好，就系因为呢个名吸引我去试吓呢间饺子专门店。平日lunch hour餐厅座无虚席，仲有唔少人等紧外卖添。餐厅主打手工饺子同云吞，全部嘅馅料都系自家制，每日新鲜包，重点系款式都唔少，每款都有汤饺同煎饺拣。🥟 至尊松茸猪肉饺 （煎饺）餐厅推介嘅味道之一，首先饺子嘅皮真系好薄，馅料超级丰富，每一啖都食到松茸嘅味道，猪肉都腌得好入味。饺子煎到金黄色，个皮好脆，钟意食松茸嘅朋友一定要试吓！🥟 大白菜猪肉饺 （汤饺）汤饺跟状元九鼎汤，要赞吓个汤，真系一啲味精都冇，饮得出煲得好入味，而且仲可以提升免疫力，同养颜保健添😍白菜同猪肉都系我钟意食嘅馅料，mix埋一齐口感好丰富，一啖汤一啖饺子，一份10只绝对够饱肚。🍽️ 麻辣松花皮蛋皮蛋配上自家制嘅麻辣汁，冇得顶！🧃 蜂蜜柠檬薏米水酸酸甜甜得嚟非常解渴，又健康。饺掂手工饺子云吞专门店 📍湾仔庄士敦道44号地舖