餃掂手工餃子雲吞專門店

之前听朋友推介过饺掂好多次，今日放工果阵见到冇人排队，即刻入去试下。龙凤至尊松茸猪肉汤饺饺子整体皮偏厚而质感烟韧，入面有白松露同黑松露，仲塞满嫩猪肉，入囗微酸。随饺附送一碗状元九鼎汤，汤嘅味道偏淡，咬一啖饺，饮一口汤，汤嘅味道唔会抢过饺子味道，岩岩好可以带出松露嘅香味。推荐！香煎软心芝士饺饺子皮煎至金黄香脆，内里系粟米同流心芝士，几新奇嘅。凉面最初怕唔够饱，就点左个凉面去打底。凉面面质偏硬，淋上辣椒油同胡麻酱，再撒上花生碎。食落有啲咬口，好夹味。估唔到佢虽然系饺子铺，但系凉面都不失水准，抵赞。蜜饯鸡翼蜜饯鸡翼甜甜地，外皮有小小酥脆，肉质嫰滑带汁。我地嗌左大份5只，岩岩好够两人食。