影片
更多
2021-09-07
57 浏览
平时好少去中环食嘢，觉得中环多数系啲高级餐厅，今日老婆话带我去中环食好西，我第一个反应系劲惊个荷包会大出血！嚟到门口，见到咁有情调，都心知不妙，嗱嗱声睇下个餐牌，原来系食 pizza 同 pasta，价钱唔贵之余仲好多款式拣，而且撞啱 Happy Hour 时段，酒类仲有特价添！老婆话想食巴马火腿，而我就想食烟熏三文鱼同西班牙辣肉肠，所以我哋拣咗自选配搭 pizza。Pizza 系即叫即整，材料又超多，非常丰盛！而 pizza 上嘅芝士仲可以拉丝添！饼底又够薄同脆，唔怕食到滞晒。Pasta 方面我哋拣咗带子、虾及烟肉卡邦尼酱宽大面，酱汁系厨师亲自调配。呢个宽大面真系超好食！带子够晒大粒，虾肉又够弹牙，配埋芝士碎同卡邦尼酱，口感同味道都十分完美！既然咁啱嚟到 Happy Hour 时间，当然要叫支酒试吓啦！老婆怕酒精浓度太高会饮醉，所以我哋就叫咗果汁酒。alska 嘅 strawberry lime cider 容易入口，果味清香，我同老婆都好钟意！边饮住呢枝 cider，边品尝 pizza 同 pasta，真系夹到爆！环境仲要咁 chill，好值得一试再试！
嚟到门口，见到咁有情调，都心知不妙，嗱嗱声睇下个餐牌，原来系食 pizza 同 pasta，价钱唔贵之余仲好多款式拣，而且撞啱 Happy Hour 时段，酒类仲有特价添！
老婆话想食巴马火腿，而我就想食烟熏三文鱼同西班牙辣肉肠，所以我哋拣咗自选配搭 pizza。
Pizza 系即叫即整，材料又超多，非常丰盛！而 pizza 上嘅芝士仲可以拉丝添！饼底又够薄同脆，唔怕食到滞晒。
Pasta 方面我哋拣咗带子、虾及烟肉卡邦尼酱宽大面，酱汁系厨师亲自调配。呢个宽大面真系超好食！带子够晒大粒，虾肉又够弹牙，配埋芝士碎同卡邦尼酱，口感同味道都十分完美！
既然咁啱嚟到 Happy Hour 时间，当然要叫支酒试吓啦！老婆怕酒精浓度太高会饮醉，所以我哋就叫咗果汁酒。alska 嘅 strawberry lime cider 容易入口，果味清香，我同老婆都好钟意！边饮住呢枝 cider，边品尝 pizza 同 pasta，真系夹到爆！环境仲要咁 chill，好值得一试再试！
张贴
