保家山 (已結業)

KT区食Burger 我有两个options，其中一间系佢 —— 一入口就见到大大个「包山」嘅保家山。记忆中餐厅喺同区嚟讲位稳阵脚都好多年，质素一向稳定有保证。Burger 正常size，卖相好低调冇咩好爆嘅visual impact，望落系好平凡但回头率高嘅主要原因系个 #手工牛肉汉堡！大概一吋左右嘅厚度，表层微焦将肉汁紧锁，大啖咬落先爆破而出，内层仲keep到七成熟左右嘅粉嫩色泽！另外比较冷门嘅 #葱香纽西兰羊肉汉堡 一样都juicy！用葱爆香嘅羊肉每一片都滴紧汁，夹入汉堡食有啲似食紧Kebab咁，稍一不慎就成手系羊肉肉汁，大家拎定纸巾稳阵。