味口福 (已結業)

由面包到汉堡都系自家制，港式汉堡包已经硕果仅存，呢间用心制作嘅又俾足料嘅就更加买少见少。佢座落系一个旧商场嘅近门口位，一眼就望到，个商场其实就无咩特别卖，唔系啲大公司会进驻嘅商场，所以返而益咗啲有心嘅小商户可以发展一吓。香港地真系越嚟越贵租，食店越开越多，连商厦都变晒做食店，呢啲商场对食店嚟讲越嚟越有得发展。讲返啲嘢食先。成个包夹埋馅料有一只手咁高，炸洋葱圈，芝士，汉堡扒，生菜，蕃茄，千岛酱，仲有煎蛋同薯饼可以加，份量够晒满足。再食埋个杂果沙律，加埋杯港式奶茶。算系对以前小学中学生涯怀旧一番。